SHuhrat Fayziev: "Akobir To'raev Baqoevga o'xshashib ketadi"

“Yilning eng yaxshi yosh o'yinchisi” nominaciya bo'yicha bira to'la uch nafar futbolchi etirof etildi. Jamshid Boltaboev, Izzatilla Abdullaev hamda Akobir To'raev. Ahamiyatlisi ularning barchasi kuzda BAAda o'tkazilgan kichik jahon chempionati ishtirokchilaridir. Bu yil 18 yoshga qadam qo'yadigan ushbu futbolchilarning murabbiylari bilan suhbatlashib shogirdlari xaqidagi fikrlarini bilishga qiziqdik.

Buxorolik Akobir To'raev bir necha yil mobaynida “Buxoro” yoshlar jamoasida o'ynadi. Endilikda iqtidorli hujumchi asosiy tarkib bilan shug'ullanmoqda. Uning professional futboldagi birinchi murabbiyi SHuhrat Fayzievdir.

- Akobirni “Eng yaxshi yosh futbolchi” deb topilganidan xursandman - deydi Fayziev. - Iqtidorli yigit. O'ziga ishonadigan, tirishqoq bola. Unda hujumchilarga xos bo'lgan xususiyat bor. To'raev hozirda asosiy tarkib azolari bilan mashg'ulot o'tkazmoqda. Uning bu yil ham asosiy tarkibda o'ynash imkoniyati yuqori. Asosiysi buning uchun harakat qilmoqda. Aql bilan o'ynashga intiladi. Ko'pincha o'yinlari bilan Ulug'bek Baqoevni eslatib yuboradi. Nasib kilsa kelajakda milliy terma jamoamiz va “Buxoro” uchun ko'p yillar mobaynida o'ynaydi.

- Akobir 1996 yilda tavallud topgan. SHuni inobatga oladigan bo'lsak, u uchun hali hammasi oldinda. Agarda o'z ustida ishlashni kanda qilmasa, undan kuchli hujumchi etishib chiqishi aniq.

- SHogirdimning kamchiliklariga keladigan bo'lsak, To'raev biroz qaysarrok yigit. Lekin boshqalar bilan yaxshi chiqishadi. Muomalasi ham chakki emas. SHuningdek u to'p bilan ko'proq ishlashi va raqibini aldab o'tib gollar urishni o'zlashtirishi kerak.

Islombek RUSTAMBEKOV yozib oldi.