"SHo'rtan"dan 3 ochko olib tashlanishi mumkin, navbatda “Navbahor”, “Andijon” va “Buxoro” klublari turibdi

“SHo'rtan” qarzdorlik masalasini bartaraf etish yuzasidan ishlayotgani rost. Biroq kafolat xati berishning ham chegarasi bor. Bir necha bor bu masalaga qaytildi. 10 aprelga qadar klub barcha qarzlarini to'lab berish majburiyatini olgan bo'lsa-da, amalda buni uddalay olmadi. Qayd etish kerak, klubning hozirgi rahbariyati bungacha ishlagan rahbarlarning xatolari uchun badal to'lab yuribdi. Yaqin orada “SHo'rtan” o'ziga kelib olishi qiyin bo'lsa kerak.

Navbatda “Navbahor”, “Andijon” va “Buxoro” klublari ham turibdi. Ular ko'rsatilgan ketma-ketlikda muddat olgan. Bu klublar ham 3 ochkodan mosuvo qilinishga yaqin. Bunday bo'lmasligining eng yaxshi yo'li — hamma narsani o'z vaqtida bajarish, - deb yozadi PFL bosh direktori maslahatchisi Diyor Imomxo'jaev telegramdagi o'z kanalida.