SHomurodov "Kalyari" uchun tibbiy ko'rikdan o'tdi: "Yangi sarguzashtlarga tayyorman"

Manbaning xabariga ko'ra, "Kalyari" SHomurodovni 9 million evro evaziga keyinchalik sotib olish huquqi bilan bir yilga ijaraga oldi. Ijara summasi 1 million evroni tashkil etadi. 

Ijara muddati davomida SHomurodov maoshining yarmini "Roma" to'laydi. Agar hujumchi to'laqonli ravishda sardiniyaliklar safiga o'tsa, 2027 yilgacha shartnoma imzolanadi.

Eslatib o'tamiz, SHomurodov Italiya A Seriyasining yakunlangan mavsumida jami 16 ta o'yinda maydonga tushib, 1 ta gol urdi va 2 ta golli uzatmani amalga oshirdi.

"Men yangi sarguzashtlarga tayyorman. "Kalyari"ga kelganimdan juda xursandman", deya SHomurodovning so'zlaridan iqtibos keltiradi Janluka Di Marcio.