SHerzod Sattorov: "G'ijduvon" xususiy jamoa"

Uchrashuvdan so'ng jamoa bosh murabbiyi SHerzod Sattorov o'z fikrlarini bildirib o'tdi. 

- "Kosonsoy"ga qarshi bahsdan ko'nglim to'lmadi. Lekin muhimi uch ochkoni qo'lga kiritdik. Birinchi o'rinda baribir natija turadi. Yigitlardan yanada mazmunliroq o'yin kutgandim, ochig'i. 

- Raqib jamoa xususida fikrim ijobiy. Kosonsoyliklar o'tgan yilgiga nisbatan joriy mavsum biroz kuchliroqdek taassurot qoldirdi. Ularning kelgusi uchrashuvlarida omad tilayman. 

- CHempionatning ilk turida "Xotira-79" bilan ro'rbaro' kelib, durang qayd etgandik. Albatta ikki ochko yo'qotilgani alam qildi. G'alaba qozona olmaganimizning boisi tarkibda o'ziga yarasha yo'qotishlar mavjud bo'lib, uch nafar etakchi futbolchimiz diskvalifikaciya tufayli jamoaga yordam bera olmadi. Bu o'z tasirini o'tkazmasdan qolmadi. 

- Bilasizmi jamoamizning bosh homiysi tumandagi tadbirkor inson - Mamur aka Otaqulovdir. Aynan u kishining sayi xarakatlari evaziga jamoa chempionatda ishtirok etmoqda. Bizda boshqa hech qanday homiy tashkilot yo'q. 

- "G'ijduvon" tarkibini asosan mahalliy yoshlar tashkil etmoqda. Aziz Abdullaev va Mansur Otaqulovdan tashqari qolgan futbolchilar yoshlardir. Maqsadimiz eng kamida 10-o'rinni egallash.