SHarmandalik! Hakam Evropa ligasida jiddiy xatoga yo'l qo'ydi

Ushbu bahslarning birida hakam tomonidan jiddiy xatoga yo'l qo'yildi. "Roma" - "Borussiya" M o'rtasidagi o'yin 1:0 hisobida yakunlanayotgan edi. Qo'shib berilgan daqiqalarda shotlandiyalik referi Uilyam Kollam to'p "Roma" himoyachisi Kris Smollingning qo'liga tegdi deb hisoblab, mezbonlar darvozasiga penalti belgiladi. 11 metrlik jarima zarbasi muvaffaqiyatli amalga oshirildi va hisob tenglashdi.

Takroriy lavhalarda to'p Smollingning qo'liga yaqin ham kelmagani, faqat yuzga tekkani ko'ringan. Futbolchi shuni isbotlashga urindi, ammo hakam qarorini o'zgartirmadi.

Menxengladbax klubi ushbu voqeaga o'zgacha reakciya bildirib, "tvitter"ga boshi qo'ldan tashkil topgan multfilm qahramonini suratini joyladi.

"95-daqiqada bunday penalti berish mumkin emas. To'p Smollingning yuziga tegdi, o'sha erda iz qoldi. Bunday jiddiy xatoni hazm qilib bo'lmaydi. U natijani to'liq o'zgartirib yubordi. Biz ikki ochko yo'qotdik".

"Borussiya" ustozi nima deganini bilasizmi? "O'sha vaziyatda menimcha to'p qo'lga tegmadi, ammo nima ham qilardik. "Roma" muxlislarining g'azabini tushunib turibman, men bunday penalti qo'ymagan bo'lardim. Biroq Zanolo burchakdan gol urishidan avval ofsayd bo'lgan edi" - deydi Marko Roze.

Hakam uchrashuvdan so'ng "Roma" vakillari bilan suhbatda xato qilganini tan olib, kechirim so'radi. Ammo ochkoni qaytarib bergani yo'q.