SHaker Zuagi: "Hali guruhdan chiqish uchun imkoniyatlarimiz etarli"

"Afsuski, o'z maydonimizdagi bahsda mag'lub bo'ldik. G'alaba qozonib, ochkolarimiz sonini 4 taga etkazib olishni istagandik. Yaxshi o'yin ko'rsatdik. Eronliklar 2-3 tagina hujum qilib yutib ketishdi. O'yin davomida asosan himoyada harakat qilishdi. Keyingi o'yin ham o'z maydonimizda bo'ladi. O'sha o'yinda g'olib chiqishga harakat qilamiz.

Hali guruhdan chiqish uchun imkoniyatlarimiz etarli. To'g'ri, ushbu guruhda kuchli jamoalar yig'ilgan. Ammo, bizda ham kuchli futbolchilar bor. Umid qilamizki, hali hammasi yaxshi bo'ladi. Oxirigacha ishonish kerak" - deb aytib o'tdi tunislik futbolchi.

Aziz To'xtamurodov yozib oldi