SHahzod Nurmatov nega MTJ yig'inida ishtirok etmadi?

Mazkur ortda qolgan uchrashuvlarga bosh murabbiy bir qator yoshlarni taklif etdi. Ayrim futbolchilar terma jamoada debyut uchrashuvini o'tkazishga ham muvaffaq bo'ldi. Agarda etibor bergan bo'lsangiz, milliy terma jamoamizga taklif etilgan futbolchilar ro'yxatida SHahzod Nurmatov ham bor edi. Ammo "Metallurg" hujumchisi mashg'ulotlar va ikki o'yinda ko'rinish bermadi. Xo'sh, bunga nima sabab bo'ldi? Vaziyatga oydinlik kiritish maqsadida Nurmatovning o'zi bilan bog'langanimizda buni quyidagicha izohladi:

- Oliy  liga turidan o'rin olgan "So'g'diyona"ga qarshi o'tkazgan bahsimizda oyog'imni mushaklarini cho'zib olgandim. Milliy terma jamoamizdan chaqiruv olganimdan juda xursand bo'ldim. Lekin oyog'imdagi og'riq shu kunlari hattoki mashg'ulot o'tkazishimga yo'l qo'ymadi. Bu narsa yana keyinchalik ham bezovta qilmasligi uchun Ummon qarshi o'yinlarda ishtirok eta olmadim. Bugungi kunga kelib, hammasi yaxshi bo'lmoqda. Nasib qilsa kelgusi bahslarda jamoamga ham milliy terma jamoamizga yordam berishga tayyorman, - deydi SHahzod Nurmatov.


Islombek Rustambekov.