Sevilya derbisi oldidan "Betis" koronavirusga chalingan uch o'yinchisi kimligini malum qildi

La Liga 17-tur doirasidagi "Sevilya"ga qarshi o'yin oldidan yarim himoyachilar Xoakin va Andres Guardado, shuningdek himoyachi Martin Montoyyaning testlari musbat natijani ko'rsatgan.

"Kasallangan o'yinchilar yaxshi holatda, ular o'z uylarida izolyaciya qilingan va sog'liqni saqlash organlari, La Liga va klubning o'zi tomonidan belgilangan protokollarga rioya qilishmoqda. Jamoaning qolgan azolari manfiy test topshirgan", - deyiladi "Betis" rasmiy saytida.

Eslatib o'tamiz, Sevilya derbisi bugun, aniqrog'i 2 yanvarda bo'lib o'tadi.