Server Jeparov: “Yangi murabbiy, yangicha fikrlash va munosabat”
30 avg 2015 08:53
Yangiliklar
![](https://championat.asia/upload/storage/181043_original.jpg)
![](/upload/storage/181043_220.jpg)
Server Jeparov: “Yangi murabbiy, yangicha fikrlash va munosabat”
Koreya K-ligasida to'p tepayotgan futbolchimizning yangi imidji bizni o'ziga jalb qildi. Kim biladi, balki Jepapov yangi murabbiy qo'l ostidagi ilk mashg'ulotni yangicha soch turmagi bilan boshlashga qaror qilgandir? Mashg'ulot yakunlangach, biz Serverni kichik suhbatga chorladik.
- Server, yangi murabbiy qo'l ostidagi ilk mashg'ulot haqida qanday fikrdasiz?
- Tabiiyki, yangi murabbiy kelganidan keyin o'z qarashlarini ilgari suradi, nimanidir o'zgartiradi. Mashg'ulotlarda yangicha uslub, o'zgacha yondashuv ko'zga tashlanyapti. Yigitlar yagona maqsad yo'lida birlashib, yangi murabbiylar shtabi va albatta xalqimizning ishonchini oqlash uchun astoydil harakat qilishyapti. Bir so'z bilan aytganda, bugungi mashg'ulot menga juda ham yoqdi.
- Yangi murabbiylar shtabi haqida nima deya olasiz?
- Bu borada faqat bir narsa deyishim mumkin, ular biz uchun begona emas. Hozirgi terma jamoa tarkibidagi 80-90 foiz futbolchi Samvel Babayan va uning yordamchilari qo'l ostida avval ham o'ynagan. Bu murabbiylarning talabi va istagini juda yaxshi biladi. SHunday ekan, natija ham yaxshi bo'lishi kerak. Barchamizning oliy maqsadimiz bu – JCH-2018 final bosqichiga yo'llanmani qo'lga kiritish. SHunga astoydil harakat qilamiz.
- Soch turmagini o'zgartiribsiz. Buni yangi murabbiy qo'l ostida yangi marralarni zabt etish maqsadida tashlangan qadam sifatida qabul qilish mumkinmi?
- SHunday desa ham bo'ladi (kuladi). Lekin bu birlamchi qaror emas. Koreyada buni oddiy holat sifatida qabul qilishadi.
Kamoliddin ALIMOV suhbatlashdi
O’xshash yangiliklar
![AMP Logo](https://championat.asia/image/logo-amp.png)
Fikrlar