Sergey Lushan: “Ochig'i “Obod”ga ko'p gol uramiz deb o'ylamagandim”

Sergey LUSHAN (“Bunyodkor” bosh murabbiyi): - Qiyin uchrashuv bo'lishini bilardik. Ikki kun ichida jamoani tayyorladik. Ochig'i, ko'p gol uramiz, deb o'ylamagandim. To'rtta vaziyatdan 4ta gol urdik. Funkcional tomondan yomon bo'ladi, deya taxmin qilgandim. Akmal gol urgani vaziyatda o'z-o'zidan yuzaga keldi. Hakamlik biz uchun yuqori darajada bo'ldi. Penalti yuz foizlik edi. Hisoblanmagan golni ko'rib chiqib aytishim mumkin.

- Bugungi g'alaba oson qo'lga kiritilgani yo'q. To'rtta gol urganimiz oson yutganimizdan darak bermaydi. Agar mezbonlar birinchi bo'lib gol urganida vaziyat umuman boshqa tarafga o'zgarib ketishi mumkin edi. Bugungi ustunligimiz shunda bo'ldiki, raqib darvozasi oldida yaratgan barcha vaziyatlarimizni golga aylantirdik. Futbolchilarning saviyasi? “Lahviya” bilan bo'lgan bellashuvda bizning yigitlarni saviyasini pastroq edi va ular gol urib ketishdi. Bugun aksincha, biz saviya borasida ustun edik va g'alaba qozondik.