Sergey Arslonov: "Ikkinchi davrani g'alaba bilan boshlash juda muhim edi"

- Bugungi uchrashuv haqidagi fikrlaringiz?

- Barchaga xayrli kech. Avvalambor yigitlarga rahmat aytmoqchiman, bugun juda asabiy va qiyin o'yin o'tkazdik. Bugun g'alabaga loyiq edik deb o'ylayman, sababi yigitlar o'yinga tayyorlangan reja bo'yicha harakat qilishdi. Raqib uzun paslar orqali bizni juda qiynab qo'ydi. Bugun juda muhim va juda kerakli g'alabaga erishdik. Ikkinchi davrani g'alaba bilan boshlash juda muhim edi va biz ushbu vazifani uddaladik.

- Birinchi golga qadar ustunlik OKMK jamoasida edi, jamoangiz gol o'tkazib yuborganidan so'ng jamoada bir nima o'zgargandek?

- Ha, birinchi taymning boshida ustunlik raqib tomonida edi, lekin OKMKning birinchi goli o'yinda burilish yasadi. O'tkazib yuborilgan gol bizni hujum qilishga majburladi, biz to'pni nazorat qilishga o'tdik. Ikkinchi taymning boshida ham biz hujumga o'tdik va ancha qiziqarli o'yin namoyish etdik, faqatgina o'yin so'ngida o'tkazib yuborilgan gol bizni asablarimizni jilovladi, lekin eng muhimi bugun g'alaba qozondik.

- O'yin vaqtida, ko'pgina ijtimoiy tarmoqlarda Asadbek Karimovni bir necha mavsum oldin OKMK o'rinbosarlar jamoasida to'p tepganini yozishdi. Bugungi uchrashuvdan so'ng, Asadbek Karimov asosiy tarkibidan joy olishi mumkinmi?

- Asabdek Karimov birinchi navbatda juda "kreativ" va noodatiy qarorlar qabul qiladigan futbolchi. Birinchi davraning so'ngi o'yinidan so'ng jurnalistlar, Asadbek Karimovning o'yinini tanqid qilib savol berishgan edi. Men o'shanda ularning fikriga qo'shilmagan edim. U qo'rqmasdan bir nechta himoyachilarga qarshi o'ynay oladi. U bugun o'z imkoniyatiga ega bo'ldi va ushbu imkoniyatdan unumli foydalandi.

- Keyingi uchrashuv "Andijon"ga qarshi bo'ladi va "Surxon" mehmonda o'ynaydi. Musobaqa jadvaliga qarasak "Andijon" va "Surxon" yonma yon ketishmoqda. Keyingi turda "Surxon" hujumkor futbol namoyish etadimi yoki ko'proq natijaga harakat qiladimi?

- "Surxon" har doim o'z falsafasiga sodiq qoladi. Biz har bir raqibga qarshi o'z o'yinimizni namoyish etishga harakat qilamiz. "Andijon" muxlislarining bosimiga, Xitoyda tayyorgarlik ko'rdik. Xitoydagi uchrashuvda 17000 mingta muxlis o'yinni stadiondan kuzatib bordi.

- "Atletik Bilbao"da Inyaki Uilyams degan futbolchi bor agar bilsangiz, "Surxon" tarkibidagi Behruz SHoyqulov 62 uchrashuvdan buyon har bir o'yinda maydonga tushmoqda va Uilyamsning rekordiga yaqinlashib qoldi.

- Uchta so'z bilan tariflab berishga harakat qilaman: stabillik, professionalizm va ishonchli