Sarvar Karimov: “Nesterovdan endi ko'p narsa o'rganaman”

Xanuz jarohatidan to'liq forig' bo'lmagan ersada, “temiryo'chilar”ning Nesterovdan umidi katta.
Biz esa “Loko”ning itiqdorli posboni Sarvar karimov bilan bog'lanib ushbu transfer yuzasidan fikrlarini bilishga harakat qildik.

- Albatta, Nesterov mamlakatimizning eng yaxshi darvozaboni sanaladi. SHu bois bu qilingan transfer foydali bo'lganligini oldindan bemalol aytish mumkin. Uning tajribasi katta. Xalqaro maydonlarda ham ko'plab uchrashuvlar o'tkazgan.
- Taqdirni qarangki, endilikda Ignatiy Nesterovdek kuchli posbon bilan bir jamoada o'ynayman. Tabiiyki undan mashg'ulotlar chog'ida ko'p narsa o'rganaman. O'ylaymanki Nesterov mendan o'z maslahatlarini ayamaydi va tajribasi bilan o'rtoqlashadi.

- Jamoani yaqinda tark etgan Artur Parvanovni ham yaxshi darvozabon deb bilaman. Faqat unga nazarimda kamroq o'ynash imkoniyati berildi.

- Temur G'anievga keladigan bo'lsak, jamoani Pavel Bugalo tark etganidan so'ng, uning o'rnini munosib ravishda to'ldira oldi.


- “Lokomotiv”da posbonlar bilan yaqin o'tmishning mohir darvozabonlaridan biri Ruslan Ahmedxonov ishlamoqda. Aynan shu insonga minnatdorchilik bildirib o'tishni istardim. Zero shu kunga qadar kelishimda Ruslan akaning yordami katta bo'ldi. Yosh bo'lishimga qaramay, o'tgan yili meni asosiy tarkib bilan olib yurib, shug'ullantirdi va u kishining mashg'ulotlaridan so'ng anchagina o'sishga erishdim.


- Keyingi mavsum oliy ligada debyut qilamanmi yoki yo'qmi buni vaqt ko'rsatadi. Agar shunday imkoniyat tug'ilsa, bor mahoratimni ishga solib, undan unumli foydalanib qolishga xarakat qilaman. Raqobatdan cho'chimayman. Aksincha u yanada o'sishimga turtki beradi.


Islombek RUSTAMBEKOV suhbatlashdi