Sardor Qobuljonov: “Har bir o'yin biz uchun xuddi final kabi o'tmoqda”

SHu munosabat bilan 29 yoshli posbondan intervyu oldik. 

- “Olmaliq” bilan uchrashuv haqida nima deyishim mumkin? Bilasizmi ushbu o'yinda biz yutishimiz ham mumkin edi yoki aksincha bo'lishi hech gap emasdi. CHunki har ikki jamoada ham bir qator golli imkoniyatlar yuzaga kelgandi. Ammo yakunda hisob 1:1 ko'rinishi bilan tugadi. 

- O'tkazib yuborilgan golda o'zimni aybdor deb bildim. O'sha vaziyatda xatoga yo'l qo'yganimni keyinchalik tushunib etdim. Ammo kech edi. 

- Ikkinchi davrani “Buxoro” deyarli yangilangan tarkib bilan o'tkazmoqda. Avvaliga 1-2 tur futbolchilar bir-birimizni tushunishimiz qiyin bo'ldi. Lekin bugungi kunda hammasi yaxshi deb o'ylayman. 

- Albatta “Buxoro”ni elitada olib qolamiz. Har xolda hamma shu maqsad yo'lida birdek xarakat qilmoqda. Jamoada yaratilgan sharoitlar yaxshi. Faqat o'ynab, ko'proq ishlash kerak. Murabbiylar shtabi ham astoydil ter to'kmoqda. 

- Ha, keyingi turda o'z maydonimizda “Qo'qon-1912”ni qabul qilamiz. Bilasizmi biz uchun har bir bahs huddi finaldek o'tmoqda. Oliy ligada qolish uchun har bir o'yinda uch ochkoni qo'lga kiritish kerak bo'ladi. Nasib qilsa, maqsadimizga erishamiz deb umid qilaman. 

- “championat.asia” sayti va unda berib boriladigan ramziy terma jamoani kuzatib boraman. Ochig'i, 21-turdan so'ng ramziy terma jamoadan o'rin olishimni kutmagandim. CHunki “Olmaliq” bilan bahsda u darajada yorqin o'yin namoyish etdim deya olmayman. Boshqalarni bilmadim-ku, lekin o'zimning xarakatlarimdan shu kuni ko'nglim to'lmadi. Biroq bu men uchun juda quvonchli bo'ldi. Sayt xodimlariga cheksiz minnatdorchiligimni bildirib qolaman. 

Islombek Rustambekov suhbatlashdi.