Sardor Qobuljonov: "Buxoro" shu yilning o'zida Superligaga qaytishga tayyor!"

- Yangi mavsumga tayyorgarlik qanday o'tdi?
- Tayyorgarlik alo darajada o'tdi. Toshkentda bir qator nazorat uchrashuvlarida ishtirok etdik, mashg'ulotlar o'tkazdik. Pro liganing yangi mavsumiga tayyormiz deya olaman.

- Birinchi turdagi raqib "Oq-tepa" haqida qanday fikrdasiz?
- Raqib bir necha yillardan buyon Pro ligada ishtirok etib kelmoqda. Anchagina yaxshi va kuchli jamoa deb o'ylayman.

- Mavsumning dastlabki ikkita uchrashuvini safarda o'tkazish qanchalik og'ir?
- Dastlabki ikki uchrashuv safarda o'tishi albatta har qanday jamoa uchun qiyin bo'ladi. Lekin bunga etibor bermasligimiz lozim. CHunki bizning maqsadimiz bitta - Superligaga qaytish!

- Jamoa shu yilning o'zida Superligaga qaytishga tayyormi?
- InshaAlloh tayyor. Xudo xohlasa, shu yilning o'zida Superligaga chiqamiz.

- Bilamizki "Buxoro"ga legioner darvozabon Rahat Japarov kelgan. U haqida qanday fikrdasiz? Raqobatga tayyormisiz?
- Japarov ancha yaxshi darvozabonligini mashg'ulotlarda ko'rsatdi. Raqobatga hamisha tayyorman, raqobat bor joyda o'sish bo'lishini mendan yaxshi bilasiz.

- Buxorolik muxlislarga tilaklaringiz...
- Muxlislarga tilagim - baxtimizga doim sog' bo'lishsin, futbol ular bilan qiziq!

Maqsud Komilov suhbatlashdi