Sanjar Tursunov: Mag'lubiyatni tezda unutish kerak…

- Sanjar, o'yin haqida nima deya olasiz?
- Yaxshi o'yin bo'ldi. Menimcha faqat natija yomon bo'ldi. Afsuski uchrashuv so'nggida gol o'tkazib yubordik, bu - futbol. Keyingi o'yinlarda bunday xatolar qilmaslikka urinamiz.

- Yani ishonch keyingi o'yinlarda qaytishiga shubha yo'q?
- Aynan shunday. Barcha yigitlar borlarini berib o'ynashdi, bu chetdan ham ko'ringan bo'lsa kerak.

- SHaxtyorning birinchi goli og'ir zarba bo'ldimi?
- Hisob 1:1 bo'lganida, biz yana gol urishni istadik. Darhol ikkinchi golni o'tkazib yubordik… birinchi gol ham bo'lmasligi kerak edi. Endi biz darvoza to'sinini nishonga olganimizni va bir necha vaziyatlardan foydalana olmaganimizni eslash mumkin. Ushbu mag'lubiyatni tezda unutish kerak. Mashg'ulotlarda jiddiy ishlayapmiz, ijobiy natija yaqin orada keladi.

- Dario Srna bilan nega tortishib ketdinglar?
- Kimdir uni turtib yubordi, Srna yiqilib tushdi... U yog'i hissiyotlar Buni eslashning umuman foydasi yo'q.

- Dastlabki ikki turdan so'ng nimalar deya olasiz?
- Birinchi o'yinda hayajon bo'lgani aniq. Bugun esa SHaxtyorga qarshi yaxshi o'ynadik. Faqat oldinga intilamiz, g'alabalarga yaqin qoldi, bunga ishonish kerak xolos.