Sanjar Quvvatovning quruq seriyasi oshib bormoqda

Sanjar Quvvatov mana to'rt uchrashuvki o'zi qo'riqlayotgan darvozasini dahlsizligini saqlab turibdi. Uning quruq seriyasi 360 daqiqaga etdi. So'nggi bor u Qarshidagi “Bunyodkor” jamoasi bilan bo'lgan uchrashuvda penaltidan gol o'tkazgan edi.

Bu yilgi chempionatda ushbu ikki darvozabon statistikasini solishtirsak, quyidagi holatga guvoh bo'lamiz.

Eldorbek Suyunov birinchi davradagi uchrashuvlarda 10 marta darvozamizni qo'riqlab, maydonda 900 daqiqa harakat qilgan va 11 marta gol o'tkazgan edi.

Sanjar Quvvatov joriy chempionatda darvozamizni 12ta uchrashuvda qo'riqladi, u 1080 daqiqa harakat qildi va 5 marta gol o'tkazib yubordi. Ushbu darvozabonimiz maydonga tushgan 12 uchrashuvning 9tasida jamoamiz g'alaba qozongan, 3 uchrashuvda mag'lubiyatga uchragan. Eldorbek Suyunov mydonga tushgan 10 uchrashuvning 4tasida jamoamiz mag'lubiyat alamini tortgan va 2 uchrashuvda durangga imzo chekkan.

Quvvatovning bu yilgi chempionatda ko'pgina o'yinlarda, juda qiyin vaziyatlarda ham mahoratini namoyish qilib, jamoamizni muqarrar gollardan asrab qolayotganiga guvoh bo'layapmiz.