Samvel Babayan: "SHunday o'yinlarning foydasi katta"

Samvel BABAYAN (“Paxtakor” bosh murabbiyi): - O'yin juda qiyin kechdi. “SHo'rtan” safida yaxshi saviyali ijrochilar yig'ilgan. Tarkibimiz optimal bo'lgani uchun bazi muammolarga duch keldik. Yigitlar yaxshi futbol namoyish qilishdi. Bahs esa oxirgi daqiqalargacha keskinlikni saqlab turdi. Bu muxlislarga yoqdi deb o'ylayman. SHunday bellashuvlar ko'proq bo'lishi kerak.

Maxaradze va Iskanderov jarohat olgan. Ular “Naft” va “Lokomotiv”ga qarshi kechadigan uchrashuvlarni o'tkazib yuborishsa kerak. Mavsumdagi muhim o'yinlarda ularning xizmatidan foydalanishimiz muammo bo'lib turibdi. Hozir jamoaviy ishtiyoq va kuchli ruhiyat evaziga uchrashuvlarni o'tkazyapmiz. CHunki etakchilarimiz tarkibda yo'q. Vaziyatdan chiqib ketish uchun bor kuchimizni ishga solamiz.


Muxtor QURBONOV (“SHo'rtan” bosh murabbiyi): - “Paxtakor”ni g'alaba bilan tabriklayman. O'yinga jiddiy tayyorgarlik ko'rgandik, ammo o'zimiz oldindan kutgandek o'yin namoyish etmadik. “Paxtakor” baribir kuchli va jamoa tezroq o'ynaydi. Bizda ham imkoniyatlar bo'ldi, biroq ulardan foydalana olmadik. Birinchi bo'limdan keyin futbolchilarga ustunlikni o'z tarafimizga og'dirish mumkinligini takidladim. Biroq ikkinchi bo'lim boshidagi gol bizni dovdiratib qo'ydi. SHu sababli tezkor almashtirishlarni amalga oshirib, vaziyatni o'nglashga harakat qildim. Oxirgi 15 daqiqada biz suratni oshirishga intildik. O'yin oxiri asabiyroq tarzda o'tdi. SHunday uchrashuvlar soni ko'paysa, bu foyda bergan bo'lardi.