Samvel Babayan: “Raqibdan kuchliroq edik”

O'ylashimcha, “Paxtakor”ning har biri o'yini kabi bugungisi ham muxlislarga zavq bag'ishladi. Muhim o'yinda kerakli ochkolarni qo'lga kiritdik. Bugun biz raqibga nisbatan kuchliroq o'ynadik va haqli ravishda g'alabaga erishdik deb o'ylayman. Ikkinchi bo'limda hisobdan kelib chiqib o'ynadik. Gol o'tkazib yubormasligimiz muhim edi. SHogirdlarim ko'rsatmalarni to'g'ri amalga oshirishdi. To'g'ri, bazi vaziyatlarda kamchiliklar kuzatildi. Lekin hech bir o'yin ideal bo'lmaydi. Uchrashuvdan keyin video orqali uchinchi gol kiritilgan vaziyatni ko'rdik. Bu “toza” gol ekanligini isbotlandi. Ammo hakamlar ham odam, ular ham adashishi mumkin.

-Bugun kiritilgan gollardan so'ng “Paxtakor” himoyaviy o'yin ko'rsatdi. Jamoa “Lokomotiv”ga qarshi hujumkor o'ynaydimi?
- “Paxtakor” har doim g'alaba uchun maydonga tushadi. Har qanday vaziyatda bizlar uchun yutuq  muhim. Bizning jamoa durang uchun o'ynamaydi. Har bir jamoa kiritgan gollardan so'ng himoyada o'ynashi tabiiy holat. “Yuventus”, “Barselona” kabi jamoalar ham yutayotgan paytda himoyada o'ynashini ko'rganmiz. Bu futbol. Hech bir jamoa butun bellashuv davomida faqat hujum uyushtirishi ilojsiz.  Biz darvozamiz oldida “avtobus” o'rnatgan holda o'ynamaymiz.