Samvel Babayan: "Muxlislardan uzr so'rayman"

"Bugun g'alaba har qachongidan ham kerak edi. Raqib juda ham tezkor, o'tkir hujumlar tashkil etdi. Vaziyatlar yaratdik, gol ura olmadik. Tezkor gol rejalarimizni o'zgartirib yubordi. Krimec, Iskanderov kabi futbolchilarning yo'qligi o'yinimizga tasir qilmay qolmadi. Ham himoyada, ham hujumda...Barcha muxlislardan uzr so'rayman. Lekin bugungi o'yindan uyalayotganim yo'q. Bugun bizning kunimiz emas ekan", - deydi Babayan.

- Jamoaning hujumi bitta futbolchiga bog'liqligi yomon, lekin Jamshidning o'rni juda bilindi.

- Masharipovning tezda almashtirilishiga nima sabab bo'ldi?
- U o'yinga kirishib keta olmadi. To'pni o'zida ko'p ushlab qoldi, hujumkorlikni oshirish maqsadida Pardaevni tushurdik. Bahodir tushgach vaziyatlar ko'paydi.

- Andreev almashtirilmaydigan futbolchimi?
- Bugun kiyim almashtirish xonasida eng ko'p tanbehni aynan Stas eshitdi. Lekin uni oxirigacha ushlab qolishimizga sabab jarima to'plari va standart vaziyatlardan unumli foydalanib qolishini o'yladik. U ham boshqa futbolchilar kabi almashtiriladi, buni o'zi ham tushunib turibdi.


Narzulla Saydullaev