Samvel Babayan mag'lubiyatning sababini aytdi

- Birinchi navbatda raqiblarni navbatdagi bosqichga chiqqani bilan tabriklayman. O'yinga to'xtaladigan bo'lsam, bugun tashabbus bizning tomonda bo'ldi. Ammo himoyada yo'lga qo'yilgan qo'pol xatolardan keyin o'yinda ikkinchi raqamli bo'lib ko'ringan jamoa g'alabani qo'lga kiritdi.

Himoyada xatolarimiz katta ekanligi ko'rinib turibdi. Bu borada ishlashimiz kerak. Himoya va hujumning bog'lanishi esa muammo bo'layapti.

Bugun tarkibda o'zgarishlar qilishga majbur bo'ldik. CHap qanot himoyachimiz Oleg Zoteev jarohatlangandi. Uning o'rnini markaziy himoyachi Islom To'xtaxo'jaev bilan to'ldirdik. Balki xatolarning bir qismi shu jihat bilan bog'liqdir. Umumiy olganda esa o'yin sifatimizda kichik pasayishni ko'rdim. SHu boisdan xatolarni ko'rib chiqib, ularni to'g'rilash borasida ishlashimiz kerak.

Penalti? Buni muhokama qilish men uchun juda qiyin. CHunki vaziyat men uchun unchalik ko'rinmadi. To'g'risini aytsam, bu hozir muhim ham emas. Himoyadagi xatolarimizni taxlil qilish men uchun muhimroq.