Samvel Babayan: "Ikki ochkoni yo'qotdik"

"Bugun qo'limizda turgan g'alabani boy berdik. Yutib turib ham  yaxshi imkoniyatlarga ega bo'layotgan edik. Lekin birgina himoyadagi xato bizga kimmatga tushdi. Raqib qarshi hujumda bizni jazoladi. O'yindan kelib chiqib aytadigan bo'lsam, ikki  ochkoni yo'qotdik", - dedi Samvel Babayan.


- Ikki yil avval SHibamura xuddi shunday xatolari uchun zaxiraga o'tkazilgan edi. Adnan ham shunga munosibdek?

- Adnan bugun xato qildi. Lekin bu o'yin jamoaning mavsumdagi ikkinchi rasmiy uchrashuvi ekanligini unutmaylik. Adnanga umid bildirib turamiz. Oraxovac har ikkala bahsni ham OCHL doirasida o'tkazdi. SHuningdek, bugun himoyada Merzlyakov ham, Hoshimov ham xatolarga yo'l qo'yishdi. Ulardan tabiiyki bunaqangi xatolarni kutmagan edim. Agar jamoaning asosiy futbolchilari bunaqangi xatolarni qilsa, bu albatta jamoa uchun juda qiyin.


- Birinchi bo'limda hujum emas, himoyaga etibor qaratildi. Birinchi taymda ham ikkinchisi kabi hujumkor o'ynash mumkinmidi?

- Birinchi taymda raqibni to'lik o'rganishga harakat qildik. Har holda bu OCHL. Boshidanoq hujumga o'tib qiynalib qolish mumkin. "Al SHabab" Saudiyada o'z o'rniga ega jamoa. Biz hali uchrashuv boshidanoq o'yin tizginini ko'lga olishga tayyor emasmiz va bunga bosqichma-bosqich chiqib boramiz.


- Iskanderov ham asosan ikkinchi bo'limda o'ynadi, keyin zaxiradan maydonga tushgan futbolchilar haqida ham gapirib o'tsangiz?
- Jamshid Iskanderovga jamoa nomidan rahmat aytamiz. Ikki kundan beri issig'i chiqib, shamollagan bo'lishiga qaramay maydonga tushishini aytdi. Xarakter ko'rsata olganligi uchun ham unga rahmat. Haqiqatdan ham ikkinchi bo'limda u yaxshi o'ynadi. Sohibov va Masharipovni o'yinni kuchaytirish uchun tushirdik. Bahodir Pardaev esa so'nggi daqiqada tushdi va unga o'zini ko'rsatish uchun vaqt etmadi. Bu ko'proq taktik o'zgarish bo'ldi.