Samvel Babayan: "Har ikki jamoada imkoniyat saqlanib qoldi"

Samvel Babayan ("Paxtakor" bosh murabbiyi): - O'ylaymanki, bahs muxlislarga maqul keldi. Raqib kuchli va yaxshi shakllangan jamoa ekanligini ko'rsatdi. Maydonda keskin kurash kechdi. Biz bunday vaziyatga tayyor edik va yaxshi o'yin namoyish qildik. Natija haqqoniy bo'ldi, har ikki jamoada oxirgi tur oldidan nimchorak finalga chiqish imkoniyati saqlanib qoldi. Bizda ikkinchi bo'limda ko'proq imkoniyatlar yuzaga keldi, biroq ulardan foydalana olmadik.

Vladimir Kozak ("Paxtakor" yarim himoyachisi): - O'yin qiyin kechishini bilgandik, barchamiz keskin va jangovar bahsga tayyor bo'lgandik. "Naft" kuchli jamoa. Kiritgan to'pimda esa sheriklarimga minnatdorchilik bildiraman. Agar imkoniyat bo'lsa, undan foydalanish lozim.