Samvel Babayan: "Har bir o'yinga xuddi finalda o'ynayotgandek falsafa bilan tushamiz"

O'zbekiston olimpiya terma jamoasi bosh murabbiyi Samvel Babayan Janubiy Koreyaga qarshi ilk o'yindan oldin turnirdagi barcha jamoalar, jumladan O'zbekiston U-23 terma jamoasi ham oliy maqsad – Olimpiada yo'llanmasi uchun kurasha olib borish uchun Qatarga kelganini takidladi.

“Qatardagi turnir hozirgi kunda shu yoshdagi eng kuchli terma jamoalarni to'pladi. Ular Osiyo futboli kelajagi deb ayta olaman. Bu erga barchamiz nima uchun kelganimizni bilamiz. Biz ham, o'z navbatida o'zimizning eng yaxshi o'yinimizni ko'rsatish va Olimpiada yo'llanmasini qo'lga kiritish uchun tashrif buyurdik”, - deydi Babayan.

“To'g'ri, biz Osiyo chempionati final bosqichiga yo'llanmani qiyinchilik bilan qo'lga kiritdik. Ammo, aytishim kerak, tarkib deyarli 50 foizga yanlilandi. Bu bizga kelajakka optimistik ko'z bilan qarashga sabab bo'ladi. Tarkibimizdagi aksariyat futbolchilar yosh bo'lishiga qaramay ancha istedodli futbolchilar deb ayta olaman. Ularning ko'pchiligi 20 yoshgacha bo'lgan Jahon chempionatida ishtirok etishdi. Tarkibimizni yoshartirganimzga qaramay, biz to'g'ri yo'ldan ketayapmiz deb hisoblayman. Yana qaytaraman, biz yaxshi tayyorgarlik ko'rdik va o'z o'yinimizni namoyish eta olsak, maqsadimizga erisha olamiz.

Avvalo O'zbekistonda istedodli va tajribali murabbiylar ko'pligini aytishim kerak. O'zbekiston Futbol Federaciyasi Prezidenti meni olimpiya terma jamoasiga ham bosh murabbiy etib tayinlagani sababi, avvalo milliy terma jamoa uchun qay darajada zaxiraga ega ekanligimizni aniqlab olish uchun bo'lsa kerak. Sababi, bu futbolchilar, nafaqat milliy terma jamoa, balki o'zbek futbolining ham kelajagidirlar. Qolaversa, milliy terma jamoaning o'yin falsafasi, g'oyasini olimpiya terma jamoasiga ham singdirish lozim deb o'ylayman”, - dedi O'zbekiston olimpiya terma jamoasi bosh murabbiyi.

Samvel Babayan shuningdek, har bir raqibning o'yinini terma jamoa murabbiylar shtabi etarlicha o'rganganini alohida takidladi.

“Barcha raqiblarimizning o'yin uslublarini etarlicha o'rgandik. Xatto, aytishim mumkin ularning o'yin falsafasini ham yaxshilab o'rgandik. Taktik sxemalari borasida ham etarli malumotlarga ega bo'ldik. Biz eng kuchli guruhdan o'rin oldik. Aniq ayta olamanki, ushbu guruhdan o'rin olgan to'rt terma jamoadan biri uchta yo'llanmadan birini qo'lga kiritadi. Qolaversa, bunday qisqa muddatli turnirlarga alohida tayyorgarlik ko'rish kerak. Har bir o'yin muhim ahamiyatga ega. SHuning uchun, har bir raqibimizga qarshi, har bir o'yinga xuddi finalda o'ynayotgandek falsafa bilan tushamiz”, - dedi Samvel Babayan.