Samvel Babayan: "Bugun OCHL saviyasiga teng o'yin bo'ldi"

"Bu o'yin OCHL saviyasidagi o'yin bo'lishiga tayyor edik. Raqib chempionatda yuqori o'rinlar uchun kurashmoqda. Yigitlar katta mehnatni amalga oshirishdi, natija esa tabloda", - deydi Babayan.

"Birinchi davra oxiriga qadar "Paxtakor"da ishlayman. SHundan so'ng kim murabbiy bo'lishini hal qilib olinadi. Klubning o'z tizimi bor, bu o'z yo'nalishida davom etadi".

"Birinchi bo'limdagi o'yinimizni ikkinchi bo'limda ham ko'rsatishga urindik. SHunchaki hisobni saqlab qolishga ham harakat qildik. Futbol vaziyatlarga bog'liq, agar "Nasaf" ikkinchi golni urganida butunlay boshqacha o'yin bo'lardi".

"Nasaf" chempionlik uchun kurashayotgan jamoalardan biri hisoblanadi. Jamoa ancha yaxshi futbolchilardan tashkil topgan, yaxshi murabbiyga ega".

"Nasaf" safida Gadoev, Gevorkyan, Suyunov, Muhammadiev... kabi futbolchilar asosiy rolni o'ynashmoqda. Ular o'z terma jamoalariga nomzod sanalishadi.

"Jamshid Iskanderov hozirgi kunda 50 foizga tayyor. U jarohatdan endi tuzaldi. Iskanderov o'z saviyasiga chiqmadi degan fikrga qo'shilmayman, shunchaki u kutilmaganda jarohatga yo'liqdi".

"Aleksandr Lobanov O'zbekistonda tug'ilgan va shu yurt farzandi hisoblanadi. Biroq tushunmovchilik tufayli hozirda unda fuqorolik yo'q. U terma jamoada o'ynashi uchun qo'ldan kelgan ishni qilamiz".