Rustam Mirsodiqov: "Futbolda g'alaba qozonish uchun gol urish kerak"

- SHahrimizning 70 yilligi nishonlanishi arafasida turibmiz. Bugun shahar aholisi uchun bayram sovg'asi tayyorlaysizlar deb umid qilgandik.
- “Paxtakor”dan farqli ravishda biz gol urmadik. Ura olmadik. Bizga yuqori klassdagi futbolchi etishmayapti. U ham bo'lsa hujumchi. “Paxtakor”dagi futbolchilar esa saviya hihatdan ustunligi evaziga urib ketdi. “Dinamo” bilan o'yinni olaylik. Ikkinchi bo'limda to'liq ustunlik biz tomonda bo'ldi. Afsuski g'alaba raqiblarimizga nasib etyapti.

- Jamoa ikkinchi bo'limda oqsab qolgandek bo'ldi...
- Ha shunday. Balki soat 18:00da o'yinni boshlaganimizda yaxshiroq o'ynagan bo'larmidik. Biz ham istaymiz kechqurun o'ynashni. Ammo projektorda muammo bor.

- Mirabdullaevning holati qanday?
- Uni tezroq safga qaytishini istaymiz. Lekin hozircha tayyor emas.

- Bugun Zafar Safoevni maydonga tushurdingiz. Uning o'yini muxlislarga maqul keldi.
- Sultonov ham yomon darvozabon emas. Ammo “Dinamo” bilan o'yinda bitta zarbadan bitta gol o'tkazdik. Bugun 2ta gol o'tkazdik ammo uning aybi bor deb o'ylamayman. Yosh deb zaxirada olib o'tiraverish ham bo'lmaydi. Agar ruhan o'sishga erishsa unga ishonishda davom etamiz.

- “Dinamo” bilan o'yindan keyin ruhiy tushkunlik bormi?
- Yo'q. SHunchaki biz gol ura olmayapmiz. Har bir o'yinda 5tadan kam imkoniyat bo'lmayapti. “Bunyodkor” bilan o'yinda ham shunday bo'ldi. Ular esa urishyapti. Futbolda g'alaba qozonish uchun gol urish kerak.