Rustam Minnixanov: "Rubin" bu - "qimmat o'yinchoq"

- Avvalo hammaga tushunarli bo'lishi uchun bir narsani aytib o'tay, biz eski qo'lga kiritilgan yutuqlar bilan yashamaymiz. Biz bugun va ertangi kunimiz bilan yashaymiz. Qurbon Bakievich va Kamil SHamilevichning xizmatlarini inobatga olgan holda aytishim mumkinki, so'nggi paytlarda "Rubin"da bo'lgan voqealarni yaxshi deb ayta olmayman. "Rubin"da yangicha ish yuritishni boshlashimiz kerak. Tabiiyki, "fair play" qoidalariga asosan. Bu o'ta qiyin vazifa, ammo uddalasa bo'ladi. Bu bilan Valeriy Sorokin shug'ullanishni boshlab yubordi.

Qurbon Berdiev o'zi uchun yangi ish topishiga ishonaman. Endi klubni har bir harajatini bilishimiz kerak. Yangi davr, yangicha vazifalarni qo'yadi. Ayni kunda klubning "kasalligi" gazak olib ketgan. Menimcha bu holni har kim o'zicha talqin qilyapti.

Valeriy Sorokin ham istefo so'radi. Lekin u o'zi boshlagan ishni tugatishi lozim. Klub yangi jamoa tuzib, yangicha ish boshlashi kerak. Bu Respublikamiz uchun katta bosim va "qimmat o'yinchoq". Lekin biz "Rubin"ni moliyalashtirishdan to'xtamaymiz. Bu ishni doimo qo'llab-quvvatlaymiz.