Rustam Ashurmatov: “Gadoevga 22-raqamni bermoqchi emasman”
22 iyu 2016 22:02
Yangiliklar
![](https://championat.asia/upload/storage/216234_original.jpg)
![](/upload/storage/216234_220.jpg)
Rustam Ashurmatov: “Gadoevga 22-raqamni bermoqchi emasman”
- “Bunyodkor” bilan tog'da, CHimyonda tayyorgarlik ko'rdik. Menimcha, hammasi reja asosida va yaxshi ketmoqda. Jamoaviy o'yinni yanada shakllantirib, yanada kuchaytirishimiz lozim. Murabbiylarimiz shu ustida ish olib borishmoqda. SHohruh Gadoev jamoamizga kelib qo'shildi. O'ylaymanki, Gadoev ham tezda o'yinimizga moslashib ketadi. Gadoev “Bunyodkor”ni kuchaytira oladimi? Menimcha, ha. CHunki har bir futbolchining o'ziga yarasha kuchli taraflari bo'ladi. Aynan shu jihatlarini namoyish eta olsa, o'ylaymanki, uning xizmatlari “qaldirg'ochlar”ga ko'p naf keltiradi. Gadoev “Nasaf”da ko'p yillar o'ynagan, yaqinda Bahraynda o'ynab qaytdi. Uning tajribasi etarli. SHohruh bilan yig'in jarayonida yaqindan tanishib, ancha do'stlashib ketdik.
22-raqam? Gadoev mendan bu raqamni so'ragani yo'q, agarda so'rasa ham ushbu raqamni hozira Gadoevga bermayman. (kuladi)
Boshqa jamoalardan takliflar? Yo'q, hozircha hech qanday takliflar bo'lgani yo'q. O'zbekistonda “Bunyodkor”dan boshqa jamoaning takliflari meni qiziqtirmaydi. Faqatgina xorijdan taklif bo'lsagina buni o'ylab ko'rishim mumkin. “Bunyodkor” bilan amaldagi shartnomam 2018 yilga qadar mo'ljallangan.
MTJga chaqirilmayotganim meni havotirga soladimi? Yo'q. Asosiy tarkib futbolchisi sifatida o'ynay boshlaganimga endi 1,5 yil bo'ldi. Hali hammasi oldinda, deb o'ylayman.
O’xshash yangiliklar
![AMP Logo](https://championat.asia/image/logo-amp.png)
Fikrlar