Ruslan Ahmedov: "Biz tanlagan uslub CHempionlar ligasidagi klublar yoki terma jamoalarda ham uchraydi"

O'yin haqida

- O'yin og'ir ruhda o'tishini oldindan bilgandik. Bu havo harorati bilan ham bog'liq, bugun 30-40 daraja issiq bo'lishi kutilayotgandi. Yuqori harorat ikki jamoaga ham o'z tasirini o'tkazdi. Yakkakurashlarda "Aral" futbolchilari biznikialrga qaraganda tezroq harakat qildi. SHu bois, o'yin boshida nazoratni yo'qotib qo'yganimiz sababli gol o'tkazib yubordik. Yigitlarga rahmat, ular harakat qilishdi, ikkinchi bo'limda qarshi hujumlar tashkillashtirishdi. Natija adolatli bo'ldi, deb o'ylayman. 

Jamoaning bugungi o'yinga tashrifdan maqsadi haqida

- SHogirdlarimga doimo "Maydonga g'alaba uchun chiqinglar, boshqa natija bo'lmasligi lozim", deya uqtiraman. G'alaba qaysi ligada bo'lishidan qatiy nazar, futbolchiga motivaciya beradi.

"Xorazm"  hisobni tenglashtirib olgach, vaqtni cho'zishga harakat qildi...

- Natijaga erishish uchun ikkinchi jamoa bo'lib turib qarshi hujumlarda vaziyat yaratishimiz kerak edi. Bu faqat bizda emas, dunyo futboli shunaqa. Hatto CHempionlar ligasi yoki terma jamoalar o'rtasidagi o'yinlarda ham qaysidir jamoa natijaga erishish uchun shunday uslub qo'llaydi. 

"Xorazm"ning moliyaviy ahvoli haqida

- O'tgan yilgi hisob-kitoblarni hal qilishdi, ammo yangi mavsumda bu borada biroz moliyaviy tanglik bo'lmoqda. Lekin ahvolimizni yomonmas desa ham bo'ladi. Yaqinda futbolga oid Prezidentimiz qarori elon qilindi, shu bois endilikda jamoaga homiy biriktirilsa kerak.