Ruis uchun kurashda “Real”ga raqobatchi paydo bo'ldi

“Everton” o'z safiga “Napoli”ning ispaniyalik yarim himoyachisi Fabian Ruisni qo'shib olishni xohlamoqda. Futbolchiga ayni damda “Real” ham jiddiy qiziqish bildirmoqda. Uning transferi 100 mln evroni tashkil etishi mumkin. Ruis hozirga qadar “Napoli” bilan shartnomani uzaytirishni rad etib kelmoqda. Fabian klubini almashtirishga qarshi emas.

Karlo Anchelottining “Everton”da ishlayotgani ushbu transferni amalga oshirishda ingliz klubiga qo'l kelishi mumkin. Boisi Ruis Neapolda Anchelotti qo'l ostida to'p tepgan.