Ro'ziqul Berdiev tarkibdagi muammolar, hujumchilarning harakati va raqib haqida gapirdi (to'liq matbuot anjumani)

– Murabbiy va uchrashuvning eng yaxshi o'yinchisining bahs haqidagi fikrlari qanday?

Ro'ziqul Berdiev: – O'yin og'ir bo'ldi. Raqib jiddiy edi, ular hujumda qanday harakat qilishganini ko'rdingiz. Bugun himoyaga etibor qaratib o'ynadik. Agar raqibga ko'proq bosim o'tkazganimizda tezroq charchab qolishimiz mumkin edi. Natija biz kutgandek bo'lmadi, ammo bu mavsumning ilk o'yini. Tayyorgarligimiz qay darajada ekanini ko'rib oldik. Jamoa futbolchilar bu o'yinga har xil holatda etib kelishgandi. Bu albatta o'yinga tasir o'tkazdi.

Abduvohid Nematov: – Biz xohlagan natija bo'lmadi. Raqibimizni yanada yaxshiroq o'rganib, mehmondagi o'yinga faqat g'alaba uchun boramiz.

– SHarof Muhiddinovning almashtirilishi majburiy o'zgarish bo'ldimi?

– Yo'q. Hujumga tezkorlik qo'shish uchun Nasrullaevni maydonga tushirdim. Pozicion almashtirishni maqsad qildik.

– Ko'proq bosim qilganimizda, tezroq charchab qolardik, deb aytdingiz. Bugun hujumda ko'p palapartishliklar ko'zga tashlandi. O'zi umuman o'yinning qaysi paytiga kelib futbolchilarda charchoq alomatlarini sezdingiz?

– Har bir o'yinchimiz qanday holatda ekanidan xabarimiz bor edi. Kim to'liq mashg'ulot o'tkazgan, kim umuman mashq qilmagan, yana kimlar jarohatdan so'ng safga qaytgan – aynan shu jihatlarni hisobga olgandik. SHundan kelib chiqib o'zgarishlarni amalga oshirib bordik. Har bir holatni o'zimiz yaxshi bilamiz. Aytib o'tish kerakki, bugungi tarkibimiz jamoa o'yinchilarining holati va raqibning darajasidan kelib chiqib tanlangandi. Hujumda muammolar kuzatilgani rost. Bobir, Temur va Oybek bir haftagina mashg'ulot o'tkazishdi, bu bilan hammasi yaxshi bo'lib ketmaydi.

– Temur CHogadze bugun yaxshi harakat qildi, ammo u almashtirildi. Bunga nima sabab bo'ldi?

– U qanday potencialga ega ekanini juda yaxshi bilamiz. SHu sabab ham CHogadzeni jamoaga taklif qilganmiz. Biroq, u hujumlarni yakunlashda va so'nggi paslarni berishda biroz sust harakat qildi. Raqib hujumga o'tganda himoyaga yordam berish jarayonida ham bazi pozicion xatoliklarga yo'l qo'ydi. SHu sabab ham uni almashtirdik.

– O'tgan mavsumdagi o'yinlarga etibor qaratsak, "Nasaf" mehmonda yaxshi harakat qilgandi. SHu jihatdan kelib chiqsak, jamoa mehmondagi bahsda ochiqroq va yaxshiroq o'yin ko'rsatadimi?

– Ha, o'tgan mavsumdagi o'yinlarimiz biz mehmonda istalgan raqibga qarshi o'ynay olishimizni ko'rsatgandi. Biroq, barchasi qo'l ostingizdagi o'yinchilarning tayyorgarligiga bog'liq. Masalan, agarda SHerzod Nasrullaev bugun o'yinga 100% tayyor bo'lganda, biz qo'rqmasdan o'zimizning odatiy taktikamizda harakat qilgan bo'lardik. Agarda javob o'yinida shu kabi muammolarga duch kelmasak, bor kuchimizni ko'rsatamiz deb o'ylayman.

– Murod Rahmatov ajoyib o'yin ko'rsatdi. Siz uni bugun qanotda sinab ko'rdingiz. Kelajakda ham u shu poziciyada harakat qiladimi?

– Yana oldingi javobdan kelib chiqib fikr bildiraman. Murod juda universal futbolchi. Unga jiddiy takliflar bo'ldi, biz esa Murodni jamoada olib qoldik. Aytganimdek, bugungi tarkibni mavjud imkoniyatlardan kelib chiqib tanladim. Masalan, Zafarmurod o'yinga tayyor bo'lganda biz Murod Rahmatovni markazda sinab ko'rgan bo'lardik. Lekin Abdurahmatov terma jamoadan endigina jamoaga qaytdi, shu sabab Rahmatovni qanotda o'ynatdik. U bugun juda katta ko'lamdagi ishni bajardi. Biroq, Murod hujumga qo'shilganda, unga to'pni vaqtida uzatishmadi.

– Ro'ziqul aka, bu mavsumning ilk rasmi uchrashuvi edi. Raqib ham ancha qimmat tarkibga ega. SHu jihatdan qaralsa, bugungi natijadan qoniqdingizmi?

OCHLda arzon tarkibli raqibning o'zi yo'q. Biz boshidan beri qimmat tarkiblarga qarshi o'ynayapmiz. Ular bilan bir darajada o'yin ko'rsatyapmiz, aslo kam emas. "Al Ayn" tarkibidagi futbolchilarning tarkibidagi o'yinchilarning darajasi yuqori. Osiyo kubogida harakat qilgan bir necha o'yinchilari bor. Bunday raqiblarga qarshi oson bo'lmayapti. Yangi kelgan futbolchilarimiz formaga kirib olishsa, o'yinimiz o'z joyiga tushadi. Hamma futbolchilarimiz jismonan tayyor yoki o'yin amaliyotiga ega bo'lib turganda bundan ancha yaxshi harakat qilardik. Etibor bersangiz, "Nasaf" futbolchilari Osiyo kubogida kam o'yin amaliyotiga ega bo'ldi. Bobir yanglishmasam ikki oydan beri rasmiy o'yinga maydonga tushmagan. SHerzodda jarohat bor. Zoran jamoa bilan besh kun mashg'ulot o'tkazdi. Temur va Bobir o'zaro pas berishda xato qilishdi. Ular bir haftagina birga mashq qilishdi. O'z ustimizda tinmay mehnat qilishmiz kerak. SHundagina kerakli maqsadga etamiz. Jamoaning hozirgi holatidan kelib chiqsak, natijanini yomon deb bo'lmaydi.