Ro'ziqul Berdiev: “Safardagi durang biz uchun qoniqarli bo'ldi”

"O'yin og'ir bo'ldi. Uchrashuvni ko'p qismini himoyada o'tkazdik. Bizni bu o'yindagi taktikamiz ko'proq himoyalanish edi. Kuchli raqib bilan ochiq futbol o'ynab bo'lmaydi. "Al Ahli" bellashuv davomida ustunlik qildi. Bizdayam imkoniyat bo'ldi. Kuchli raqib maydonida durang uynash biz uchun qoniqarli deb aytish mumkin", - deb gap boshladi Ro'ziqul Berdiev.

-O'yindan maqsad bir ochko olishmidi? Bu borada omad keldi deb hisoblaysizmi?
- Ikkala jamoadayam gol urish uchun vaziyatlar bo'ldi. Omadga bog'lash to'g'ri emas. Biz yaxshi himoyalana oldik. Natijadan qoniqdik. Qo'shimcha sifatida aytish mumkin: guruhda barcha jamoada keyingi bosqichga chiqish imkoniyati bor. Maqsadimiz keyingi bosqiga chiqish. Bu oson bo'lmaydi. CHunki raqiblarimiz judayam kuchli.

-Sizningcha kimlar keyingi bosqichga chiqadi?
- Bu haqda aytolmayman. Buni o'yinlar ko'rsatadi.

-Keyingi o'yin haqida nima deya olasiz? Qarshida Al Ahliga qarshi qanday o'yin kutsak bo'ladi?
-Uyda hujumkor o'ynaymiz. Bugungi uchrashuvda o'z uyinmizni ko'rsata olmadik. Ob-havo ham anchagina issiq edi. Qarshida bugungidan shiddatliroq o'ynashga harakat qilamiz.

-Raqibning eng havfli futbolchisi kim?
-Yaqinda xarid qilingan Ribeyro va 7-raqamdagi Hammadi ancha xavfli futbolchilar hisoblanishadi. Bugun ham ular o'zlarini yaxshi tomonlarini ko'rsata olishdi.

"Nasaf" matbuot xizmati hamkorligida tayyorlandi.