Ro'ziqul Berdiev: "Nasaf" mag'lubiyatga loyiq o'ynamadi"

- O'yin teng va keskin kurashlar ostida o'tdi. "Nasaf" bugun mag'lubiyatga loyiq o'ynamadi. Kamida Qarshiga bir ochko bilan qaytishga munosib edik.

Hech bir murabbiy o'yindan oldin g'alaba qozonaman, deb ishonch bilay ayta olmaydi. Lekin bugun g'alaba maqsadida maydonga tushgandik. Futbolchilarimga to'liq ishongandim. Bugungi o'yinda g'alaba qozonishimiz ham mumkin edi.

Muhammadiev nega ko'rinmadi? "Navbahor"ga qarshi o'yinda SHuhrat jarohat olib maydonni tark etgandi. Muhammadievning yo'qligi jarohat bilan bog'liq. Sayfievni nega chap qanotga olib o'tdik? CHunki Saydullo Rahmatovning qanotida Bikmaev himoyachimizni biroz shoshiltirib qo'ydi va biz Rahmatovni zaxiraga olishga majbur bo'ldik.