Ro'ziqul Berdiev: "Gevorkyan soppa-sog'"

Unga Eldor Suyunov hamrohlik qildi.

"Ertangi o'yinga jiddiy hozirlik ko'rdik va g'alaba qozonish uchun maydonga chiqamiz. Artur Gevorkyan borasida tashvishda edik, lekin u so'nggi 5 kunda jamoamiz bilan bir xilda mashg'ulot o'tkazdi va o'zini yaxshi ko'rsatyapti. Muhimi shu", - deydi Ro'ziqul Berdiev.

- Avvalgi o'yinda SHohrux Gadoev yaxshi o'ynadi, ertaga uni ko'ramizmi?
- Oliy liga bilan OCHLni o'rtasidagi farq katta. Haqiqatdan ham SHohruxni o'yinida o'sish kuzatilyapti. Ertaga vaziyatga qaraymiz.

- Eldor, uchta to'p qo'yib yubordingiz, hammasi bosh bilan berilgan zarbadan keyin?
- Ha, shunday bo'lib qoldi. Bu borada xato qilmaslikka harakat qilaman.

- Koblash o'zi o'ynagan o'yinlarida imkoniyatlarni yo'qqa chiqarishda davom etyapti. Ertaga uni asosiy tarkibda to'liq ko'ramizmi?
- Jamoada 20 nafardan ziyod futbolchi bor. Kim o'yinga tayyor bo'lsa, o'sha maydonga tushadi.

- Guruhdagi imkoniyatlar haqida nima deysiz?
- 4ta jamoada ham guruhdan chiqishga imkoniyat bor. Xuddi shunday barchada qolib ketish imkoniyati ham bor. 

- "Al Ahli" jamoasini kuchi nimada deb bilasiz?
- BAA Superkubogida g'alaba qozongan jamoani kuchli deb aytgan bo'lardim. Bir necha marotaba ichki chempionatda g'oliblikni o'z-o'zidan qo'lga kiritmagan. 

Nodirxo'ja Yuldashev yozib oldi
Foto: Sardor Nurov