A Seriya. Chempionlik uchun kurashayotgan "Inter" va "Napoli" so'nggi tur oldidan durang o'ynadi, "Roma" va "Yuventus"da g'alaba

→ A SERIYA TURNIR JADVALI

Rimdagi o'yinda 3-daqiqadayoq Janluka Manchini gol urib, mezbonlarni hisobda oldinga olib chiqdi. 21-daqiqada "Milan" o'yinchisi Santyago Ximenes qo'pol harakati sabab maydondan chetlatildi, ammo shunga qaramay taym so'nggida Joau Feliks hisobni tenglashtirdi. 58-daqiqada Leandro Paredes jarima zarbasini qoyilmaqom ijro etdi va darvozani ishg'ol qildi. 87-daqiqaga kelib Brayan Kristante o'yinda yakuniy hisobni o'rnatdi.

Butun o'yin davomida faol harakat qilgan Eldor Shomurodov 84-daqiqada zaxiraga olindi.

"Napoli" mehmonda "Parma"ni mag'lub eta olmadi. Neapolliklarning baxtiga "Inter" o'z o'yinida zafar qucha olmadi.

"Yuventus" esa muhim o'yinda Nikolas Gonsales (61-daqiqa) va Dushan Vlaxovich (88)ning gollari evaziga uch ochkoga ega chiqdi.

"Inter" "Napoli"ning ochko yo'qotishidan foydalana olmadi. Milanliklar 90-daqiqada Pedroning penaltidan urgan goli tufayli g'alabadan quruq qolishdi.