Riza Ayvazov: "Ikkinchi ligadagi raqobat jiddiy kechdi"

Saytimiz muxbiri mazkur marosim yakunida jamoa to'purari Riza Ayvazovning fikrlari bilan qiziqdi.

- Riza, avvalo qo'lga kiritilgan yutuqlar bilan tabriklaymiz. Ortda qolgan mavsumdan qanday taasurotlar oldingiz?

- Ortda qolgan mavsum ko'tarinki ruhda tashkil etildi. CHempionatda jiddiy kurash kechdi, o'yinlar sog'lom raqobat muhitida tashkillandi. CHempionlikni qo'lga kiritdik, albatta ushbu natijada jamoamizning har bir azosini alohida hissasi bor.

- Klubda futbol uchun yaratilgan sharoitlar qanday?

- SHaroitlar alo darajada. Farg'ona davlat universiteti rektori klub prezidenti ham hisoblanadi. Bizga klubimiz rahbari tomonidan barcha sharoitlar mukammal yaratib berilmoqda. Rahbariyatga, murabbiylar shtabiga va shu jamoada mehnat qilayotgan barchaga minnatdorchilik bildiramiz.

- Sizningcha, 2-liga musobaqalari qanday darajada tashkil etildi? 

- Viloyat futbol associaciyasi mutasaddilari joriy mavsumda ham 2-liga o'yinlarini professional tarzda tashkil etishdi. Futbol associaciya birinchi vice-prezidenti Nosir Otaqo'ziev va boshqa mutasaddilar viloyatda futbol rivojiga o'zlarining munosib hissalarini qo'shib kelmoqdalar. CHempionat tashkil etish oson ish emas.

- CHempionlik yo'lida raqobat tug'dirgan qaysi jamoalarni ko'rsatgan bo'lardingiz?

- CHempionatda ishtirok etgan barcha jamoalar birdek kuchli edi. Raqobat va sovrinli o'rinlar uchun kurash juda jiddiy kechdi. Biz balki qaerdadir kuchli bo'ldik, bir qadam ko'proq qo'ydik, shularning natijasida chempionlikka erishdik.

Bekzod Tolibov yozib oldi