Retkliff MYUning 25% akciyasi xaridi haqida: "Maqsadlarimiz – klubni ingliz, Evropa va dunyo futboli cho'qqisiga qaytarish"

"Manchester Yunayted" bugun rasman Ineos kimyoviy kompaniyasiga egalik qiluvchi britaniyalik milliarderga klubning 25% akciyasi sotilishini tasdiqladi. Bitim 1,25 mlrd funtga baholanmoqda.

"Butun umr davomida klubga muxlislik qiladigan mahalliy fuqaro sifatida bizga klubning boshqaruv faoliyatini bizga topshirgan "Manchester Yunayted" direktorlar kengashi bilan kelishuvga erishganimizdan xursandman. Klubning tijoriy muvaffaqiyati doim eng yuqori darajada sovrinlarni qo'lga kiritish uchun erkin mablag'larni kafolatlagan, ammo so'nggi paytlarda bu imkoniyat to'liq ochilmagan. Biz klubni yanada takomillashtirishga yordam berish uchun global bilim, tajriba va Ineos'ning keng sport guruhidan iqtidorlarni olib kelamiz, shuningdek "Old Trafford"ga bo'lajak sarmoya uchun mo'ljallangan mablag'larni taqdim etamiz.

Bu erda uzoq bo'lamiz va oldimizda juda ko'p qiyinchiliklar va mashaqqatli mehnat borligini tan olamiz va ularga qatiyat, professionallik va ishtiyoq bilan yondashamiz. Biz klubning olg'a intilishiga yordam berish uchun barcha – boshqaruv kengashi, xodimlar, futbolchilar va muxlislar bilan ishlashni xohlaymiz. Bizning maqsadlarimiz ayon: "Manchester Yunayted"ni o'z joyiga, yani ingliz, Evropa va dunyo futboli cho'qqisiga qaytarishni xohlaymiz", – deydi Retkliff.