Angliya kubogi. "Chelsi" Uels jamoasini ekstra taymlarda mag'lub etib, chorak finalga chiqdi

"Reksxem" hujumchisi Sem Smit 18-daqiqada gol urib, hisobni ochdi. 40-daqiqada mezbonlar o'yinchisi Artur Okonkvo o'z darvozasini ishg'ol qilib qo'ydi va shu bilan hisob tenglashdi. 78-daqiqada Kallum Doylning goli evaziga mezbonlar yana hisobda oldinga chiqib olishdi, ammo to'rt daqiqa o'tib "aristokratlar" himoyachisi Josh Achempong jamoasini o'yinda olib qolgan golga mualliflik qildi. Ekstra taymlar oldidan, aniqrog'i 90+3 daqiqada mezbonlar yarim himoyachisi Jorj Dobson maydondan chetlatildi. "Chelsi" esa ekstra taymlarda Alexandro Garnacho (96) va Joau Pedrolarning (120+5) gollari evaziga o'yinni o'z foydasiga hal qildi va keyingi bosqichga chiqdi.