"Real"ning braziliyalik futbolchilari jarohat olishdi

LaLiganing 13-tur o'yini doirasida "Real" "Osasuna"ni qabul qildi.

Birinchi bo'lim davomida shikastlanishlar tufayli Rodrigo va Eder Militaolar almashtirildi.

Rodrigo maydonni tark etayotib chap oyog'ining sonini ushlab olgandi. 20 daqiqada uning o'rnini Braim Dias egalladi.

Eder Militao raqib jarima maydonchasi ichida to'p uchun kurashda shikastlandi. Braziliyalik maydonni zambilda tark etdi. Uning o'rniga Raul Asensio maydonga tushdi.

Eslatib o'tamiz, Militao va Rodrigo Braziliya terma jamoasining noyabrdagi o'yinlariga chaqiruv olgan edi.