"Real" 4 oy 1 hafta ichida 25ta o'yin o'tkazdi. Ular bunga qanday ulguryapti?
28 dek 2021 11:45
Yangiliklar
![](https://championat.asia/upload/storage/675327_original.jpg)
![](/upload/storage/675327_220.jpg)
"Real" 4 oy 1 hafta ichida 25ta o'yin o'tkazdi. Ular bunga qanday ulguryapti?
"Real" birinchi o'rinda ekan. 19 o'yin, 14 g'alaba, 4 durang va 1 mag'lubiyat. Keyingi o'rinlardagi jamoalarda esa 18tadan o'yin. Hayron bo'ldim, axir ularda chempionat yaqinda boshlanmaganmidi, qanday qilib 19 o'yin o'tkazishga ulgurdi.
19ta o'yin bizdagi chempionatning deyarli oxiri degani. Masalan, bizda bu yilgi mavsum 9 martda start olib, 19-tur 21 sentyabrda o'ynaldi. Yani 6 oydan keyin. "Real" esa 4 oyda birinchi davraning hamma o'yinlarini o'ynab bo'ldi. Buning ustiga Evropa chempionlar ligasida yana 6ta bahsda maydonga tushdi.
Qiziqib statistikani hisoblab ko'rdim. To'g'ri, ularda jamoalar soni ko'p. Ispaniya chempionatida 20ta klub o'ynaydi, bizda esa 14ta. Ularda 38ta tur bo'ladi, bizda 26ta (ularda bizdan 12taga ko'p). Lekin shunga qaramay, bir yil hammaga teng taqsimlangan. Faqat kimdir 40dan ko'p o'yinda maydonga tushadi, kimdir uzog'i 30tacha o'yin bilan kifoyalanadi.
Mavzuni yana "Real" atrofida davom ettirib, bu jamoaning 15 avgust - 23 dekabr oralig'ida umumiy hisobda nechta uchrashuv o'tkazganini sanab ko'ramiz.
15 avgust. La Liga
23 avgust. La Liga
29 avgust. La Liga
13 sentyabr. La Liga
16 sentyabr. ECHL
20 sentyabr. La Liga
23 sentyabr. La Liga
26 sentyabr. La Liga
29 sentyabr. ECHL
3 oktyabr. La Liga
20 oktyabr. ECHL
24 oktyabr. La Liga
28 oktyabr. La Liga
30 oktyabr. La Liga
3 noyabr. ECHL
7 noyabr. La Liga
21 noyabr. La Liga
25 noyabr. ECHL
29 noyabr. La Liga
2 dekabr. La Liga
5 dekabr. La Liga
8 dekabr. ECHL
13 dekabr. La Liga
20 dekabr. La Liga
23 dekabr. La Liga
Ispaniyaning bu yilgi mavsumiga 15 avgust kuni start berildi. "Real" 23 dekabrda 19-turni o'tkazib, qishki tanaffusga chiqib chiqib ketdi. Lekin ularda tanaffus ikki oylab davom etmaydi. Dam olish hatto 10 kunga bormayapti. CHunki "Real"ni 2 yanvar kuni 20-tur bahsi kutyapti. Yangi yilni kutib olishadi-yu, shu bilan to'g'ri mashg'ulotga!
"Real" La Ligadagi 19ta o'yinni qachon o'ynadi?
15 avgust
23 avgust
29 avgust
13 sentyabr
20 sentyabr
23 sentyabr
26 sentyabr
3 oktyabr
24 oktyabr
28 oktyabr
30 oktyabr
7 noyabr
21 noyabr
29 noyabr
2 dekabr
5 dekabr
13 dekabr
20 dekabr
23 dekabr
SHu o'rinda ECHLni aralashtirmasdan faqat Ispaniya chempionatiga etibor qaratamiz. Agar oyma oy taqsimlaydigan bo'lsak, "Real" avgust va dekabr oralig'ida har oy nechtadan uchrashuvda maydonga tushgani kelib chiqadi.
Avgust - 3ta o'yin
Sentyabr - 4ta o'yin
Oktyabr - 4ta o'yin
Noyabr - 3ta o'yin
Dekabr - 5ta o'yin
Demak, bu jamoa La Ligada avgust va noyabrda 3tadan, sentyabr-oktyabrda 4tadan o'yinda maydonga tushgan. Dekabrda esa 5ta uchrashuv o'tkazgan. Eng qizig'i, "Real" yanvarda ham 4ta o'yin o'tkazadi.
Superligadagi vaziyat
Aytib o'tganimizdek, bizda o'yinlar soni kam. SHu bois biz hech bir oy 5ta tur o'tkazmaymiz. Eng ko'p 4ta bo'lishi mumkin. Savol tug'iladi, bu yil Superligada 26 tur oyma oy taqsimlaganda qanaqa bo'ldi? Javobi esa quyidagicha:
Mart - 3ta o'yin
Aprel - 3ta o'yin
May - 3ta o'yin
Iyun - 2ta o'yin
Iyul - 2ta o'yin
Avgust - 3ta o'yin
Sentyabr - 4ta o'yin
Oktyabr - 3ta o'yin
Noyabr - 3ta o'yin
Biz deyarli har oy 3tadan tur ko'rdik. Yozda tushunsa bo'ladi, havo issiq, shu bois iyun-iyulda Superliganing 2ta turi o'tkazildi. Eng ko'p tur sentyabrga to'g'ri keldi va bunda jamoalar 4tadan tur maydonga tushishdi.
"Real" 20 kun ichida 5ta o'yin o'tkazyapti, bizda faqat OCHLda shunaqasi bo'ldi: 2 haftada klublar 6tadan o'yin o'tkazishdi, lekin bu faqat markazlashgan turnirda. Uy-mehmon tarzidagi musobaqalarda esa buning iloji yo'q.
O’xshash yangiliklar
![AMP Logo](https://championat.asia/image/logo-amp.png)
Fikrlar