Ravshan Muqimov: Futbolchilarimiz yaxshi o'yin ko'rsatishdi

Ushbu o'yin tafsilotlari bilan jamoa sport direktori Ravshan Qobulovichni suxbatga tortdik va u o'z fikrlari bilan o'rtoqlashdi.

Birlashgan Arab Amirliklaridagi o'quv nazorat mashg'ulotlari rejadagidek ketmoqda. Futbolchilar va murabbiylar shtabi ushbu yig'inda astoydil mavsumga tayyorlarlik ko'rishmoqda. Abu Dabida 4 nazorat uchrashuvini o'tkazishni rejalashtirganmiz. Qayrat va Pekin Goan klublari bilan bo'lib o'tgan o'yinlarda futbolchilarimiz judayam yaxshi harakat qilishdi. So'nggi uchrashuvda mag'lubiyatga uchragan bo'lsakda futbolchilarning maydondagi harakatlaridan ko'nglimiz to'ldi. Xitoyliklar darvozasi oldida ko'plab hujumlar tashkil qildik ammo omad bizdan biroz yuz o'girdi. Ushbu o'yinlarda barcha futbolchilarga imkon berishga harakat qilishyapti murabbiylarimiz. Oldinda yana nazorat o'yinlarimiz bor va ushbu kuchli futbol klublari bilan bo'ladigan uchrashuvlar albatta bizning foydamizga hizmat qiladi, - deydi Ravshan Muqimov rasmiy saytimizga bergan intervyusida.