Ravshan Haydarov: "Dinamo"da hammasi joyida

Murabbiyning "SA"ga xabar qilishicha, "Dinamo" 15 dekabr kuni o'z yig'inini Samarqandda boshlaydi. Dastlabki 1 haftalik mashg'ulotlarda mahalliy yoshlar ishtirok etadilar. Ular asosan 1994 yil va undan kichik yoshdagi futbolchilar bo'ladi. Asosiy maqsad, jamoada mahalliy futbolchilar sonini oshirish.
 
22 dekabrdan boshlab asosiy tarkib yig'in boshlaydi. 10 yanvar kuni mashg'ulotlar Toshkentga ko'chadi. Olgan malumotlarimizga ko'ra, "Paxtakor"dan ijara asosida "Dinamo" safiga kelib qo'shilgan futbolchilar 2014 yilda ham jamoada qoladilar. Albatta, bu muxlislarni quvontirishi aniq.

"Jamoa rahbariyati etarli sharoitlarni yaratib berganligi uchun ulardan minnatdormiz. Barcha futbolchilar bilan hisob-kitob ishlari yakuniga etgan. Klub rahbariyati o'z oldiga qo'ygan majburiyatini to'liq ado etib bo'lgan. Endi yangi mavsumga yaxshi tayyorgarlik ko'rishimiz kerak. Mahalliy futbolchilarga ham jiddiy etibor qaratish niyatidamiz. Rejaga fevral oyida xorij safari ham kiritilgan. Joriy mavsum jamoa sharafini himoya qilgan futbolchilar biz bilan qolishga tayyorlar", - deydi Ravshan Akmalovich.