Rasmiy xabar: Dostonbek Tursunov Rimdagi “Villa Styuart" klinikasida jarrohlik amaliyotini o'taydi
16 noy 2021 19:54
Yangiliklar

Rasmiy xabar: Dostonbek Tursunov Rimdagi “Villa Styuart" klinikasida jarrohlik amaliyotini o'taydi

Xabaringiz bor, O'zbekiston milliy terma jamoasining Gruziyaga qarshi o'rtoqlik uchrashuviga tayyorgarlik jarayonida markaziy himoyachi Dostonbek Tursunov jarohatini qaytalab olgan edi.

"Tekshiruvlar natijasida ushbu jarohat jarrohlik amaliyoti talab etilishi malum bo'ldi.

O'FA tomonidan futbolchimizning tezroq sog'ayib, safga qo'shilishi uchun barcha say-harakatlar amalga oshirilmoqda. Xususan, Dostonbek Tursunovni davolashga Italiyaning mashhur jarrohlaridan biri Paolo Mariani jalb etildi.

Futbolchimiz 22 noyabr kuni Italiya poytaxti Rimga, “Villa Styuart” klinikasiga yo'l oladi va u erda professor Mariani tomonidan operaciya qilinadi", – deyiladi O'FA matbuot xizmati bergan rasmiy xabarda.

Oldinroq himoyachi 18 noyabr kuni Italiyaga uchib ketishi va Italiya poytaxtidagi "Villa Styuart" klinikasida operaciya qilinishi haqida saytimizda xabar berilgan edi.

Eslatib o'tamiz, oktyabr oyida aynan shu shifoxonada terma jamoamizning boshqa bir vakili Farruh Ikromov ham operaciyani boshdan o'tkazgan bo'lsa, Eldor SHomurodov "Jenoa"dan "Roma"ga o'tganida aynan "Villa Styuart"da tibbiy ko'rikdan o'tgan.

Havola :

Manba : ЎФА матбуот хизмати

Yangiliklarni Telegramda o'qing!

Reyting: +3