Rahimbek Karimov OFK imtixonidan o'ta olmadi, lekin baribir Malayziyaga boradi

Superliga 12-turidan o'rin olgan "Paxtakor" - "Surxon" uchrashuvida OFK rekrutingi 2-bosqichi doirasida OFK vakillari Rahimbek Karimovning ishiga baho berishgandi. Afsuski Karimov ushbu imtixondan o'ta olmadi va 3-bosqichga chiqa olmadi. 

Malumot uchun, OFK rekrutingi 3ta bosqichidan o'ta olgan hakamlar S darajani olishadi va xalqaro o'yinlarga tayinlov olishadi. Xalqaro o'yinlarda o'zini yaxshi ko'rsata olganlar B darajaga chiqishadi. Hakam keyinchalik ham yaxshi ishlashda davom etsa A darajaga chiqadi va OFK elit referilari qatoriga kiradi. SHunday darajaga etganlar OCHL hal qiluvchilar o'yinlar, Jahon chempionati saralash bahslari, Osiyo kubogi final bosqichi kabi o'yinlarda ishlashadi. 

Ijobiy xabar ham bor. 23 avgust kuni Malayziyada OFK VAR hakamlari uchun imtixon o'tkazadi. Ushbu imtixonga 4 nafar o'zbekistonlik hakam taklif olgan. Bular: Aziz Asimov, Rahimbek Karimov, Firdavs Norsafarov va Abdurashid Xudoyberganov. 

Yani bosh hakam sifatida OFK rekrutingidan o'ta olmagan Rahimbek Karimov agar VAR hakami sifatida imtixondan o'tsa xalqaro o'yinlarda VAR hakami sifatida ishlash imkoniyatiga ega bo'ladi.