Qizilqum - SHo'rtan uchrashuvini FIFA referisi Valentin Kovalenko boshqaradi

O'yinlarda qayd etilayotgan kutilmagan natijalar esa muxlislarda yanada qizqish ortishiga turtki bo'layotir.

O'n birinchi tur bahslari 30 - 31 may kuni o'tkazilishi belgilangan. Taqvimga ko'ra, dastlabki kuni  to'rtta uchrashuv o'tkaziladi. Unda Olmaliq (Olmaliq) – Metallurg (Bekobod), Andijon (Andijon) – Neftchi (Farg'ona), Dinamo (Samarqand) – Mashal (Muborak), Qizilqum (Navoiy) – SHo'rtan (G'uzor) jamoalari o'zaro bahs yuritadi.

31 may kuni bo'ladigan Qo'qon-1912 (Qo'qon) – Navbahor (Namangan), Nasaf (Qarshi) – So'g'diyona (Jizzax), Paxtakor (Toshkent) – Bunyodkor (Toshkent), Buxoro (Buxoro) – Lokomotiv (Toshkent) juftliklari bahsi bilan esa 11-tur o'yinlari nihoyasiga etadi.

Mazkur tur uchrashuvlar o'ziga xos derbilar bahsi ekanligi bilan ham ko'chilikning diqqat-etiborini tortishi tabiiy, albatta.

O'zbekiston Professional futbol ligasi Hakamlar qo'mitasi qaroriga ko'ra, Navoiyda bo'ladigan Qizilqum  – SHo'rtan uchrashuvini poytaxtlik FIFA referisi Valentin Kovalenko boshqarib boradi.

Unga FIFA laynsmeni Mamur Saidqosimov (Toshkent) va Andrey Snetkov (Yangiyo'l)lar ko'maklashadi.

Yoshlar ligasi bahsi bosh hakami va asosiy tarkiblar o'yini zaxiradagi hakami etib, toshkentlik Jasur Muxtorov tayinlangan.

Respublika toifasidagi hakam Sardor Najafaliev (Toshkent) esa hakamlar faoliyatini nazorat qiladi.

O'zbekiston Professional futbol ligasi vakili Grigoriy Rtveladze esa uchrashuv komissari etib belgilangan.

Eslatib o'tamiz, yoshlar ligasi uchrashuvi 29 may kuni soat 17.00 da Navoiy shahridagi “So'g'diyona” stadionida boshlanadi. Qizilqum  – SHo'rtan jamoalari asosiy tarkiblari o'yini esa 30 mayda soat 18.30 da “Yoshlar” sport majmuasi yashil maydonida start oladi.