"Qizilqum": Navbatdagi yig'in 5 yanvarda boshlanadi

Dastlabki o'quv-mashg'ulot yig'inida asosan mahalliy o'yinchilar ishtirok etdilar. Kuniga bir martadan tashkil qilingan mashg'ulotlarda bosh murabbiy Yuriy Lukin o'ttizga yaqin futbolchilarning jismoniy tiklanishiga jiddiy etibor qaratdi.

Rejaga ko'ra, 28 dekabr kuni yig'inda qatnashayotgan futbolchilar ikki jamoaga bo'linib o'zaro kuch sinashdilar.

Bosh murabbiy Yuriy Pavlovichning takidlashicha, dastlabki bosqich mashg'ulotlarida futbolchilarning asosan jismoniy holatiga ahamiyat berilgan. Ulardan yigirma nafarga yaqini yanvarda boshlanadigan navbatdagi yig'inga ham jalb etiladilar. SHuningdek, keyingi mashg'ulotlarda taniqli hujumchi Vladimir SHishelov ham qatnashadi.

Bundan tashqari, o'tgan mavsumni “Bunyodkor”, “Nasaf”, “Lokomotiv”, “Neftchi”, “Buxoro”, “Metallurg” kabi jamoalarda yakunlagan  yana bir qator tajribali o'yinchilar ham “Qizilqum” murabbiylari ko'rigidan o'tish istagini bildirishgan. Ularning nomlariga yana bir haftadan keyin aniqlik kiritish mumkin.

SHundan so'ng, klub rahbariyati tomonidan jamoa azolari uchun 2014 yilning 5 yanvariga qadar qisqa muddatli tatil elon qilindi.