Qishni "CA"da futbol o'ynab o'tkazing! Ilk mehmon - Kamoliddin Murzoev!

Aynan shu loyiha orqali "12-sektor" uchun qahramon tanlaymiz, va futbol o'ynash bahonasida u bilan suhbatlashamiz. SHu bilan birga, futbol o'ynashga kelgan o'quvchilar faxrli mehmon bilan savol-javob qilish imkoniyatiga ega bo'ladilar. Ilk mehmon sifatida, mavsumni Qozog'iston chempionatida yakunlagan Kamoliddin Murzoevni loyihaga taklif etdik.
 
Jami 4ta jamoa bo'ladi, sayt xodimlari, "Istiqlol" futbol jamoasi, sayt o'quvchilari jamoasi, FIFA.uz ishtirokchilari jamoasi. Kamoliddin Murzoev har bir jamoada bittadan o'yinda maydonga tushadi.

Murzoevdan tashqari o'z istagi bilan tashrif buyuradigan futbolchilar uchun ham eshiklarimiz ochiq. Bu borada O'zbekiston futzal terma jamoasi azolarini ham loyihaga taklif etib boramiz.

Demak, yakshanba kuni soat 13:00da sayt o'quvchilari Toshkent shahri, CHilonzor tumanida joylashgan Pedagogika kollejining sport zalida bo'lishlari lozim.

Manzil: "CHilonzor" metro bekatining o'ng biqinida. Saytdan uzoqlashmang, telefon raqamlarni shanba kuni elon qilamiz.