PSJ xo'jayinlari APL klubiga sarmoya kiritmoqchi

Jurnalist Ben Jeykobsning so'zlariga ko'ra, QSI bu yil ingliz klublaridan birida minoritar akciyador bo'lmoqchi. Jumladan, "Tottenxem" bilan faol muzokaralar olib borilmoqda.

PSJ prezidenti va QSI bosh direktori Nosir Al Xelayfi hafta boshida "Tottenxem" rahbari Daniel Levi bilan uchrashuv o'tkazdi. Hozircha muzokaralar dastlabki bosqichda davom etmoqda.

QSI 2023 yilda bir nechta klublarga katta sarmoya kiritishi kutilmoqda. Ular allaqachon "Braga"ning 23% ulushiga egalik huquqiga ega bo'ldi va Evropadagi kamida bitta boshqa klubda minoritar akciyador bo'lishni xohlaydi. Janubiy Amerika ham ular uchun ustuvor mintaqa hisoblanadi.