PSJ futbol tarixidagi eng yirik transferni amalga oshirishi kutilmoqda

Neymarning yangi mavsumni "Barselona"da boshlamaslik ehtimoli mavjud.

"Globo Esporte" nashrining yozishicha, Neymar do'stlariga PSJga o'tayotganligi haqida aytgan.
"Barselona" esa PSJ bilan Neymarning transferi bo'yicha muzokaraga kirishishni ham rejalashtirmayapti. PSJ esa endi Neymarning shartnomasida ko'rsatilgan 222 million evroni to'lab futbolchini jamoaga olib kelish imkoniyatiga ega.

"Barselona" klubi rahbariyati vaziyatdan xabardor. Ammo ular ommaga Neymarning ketishi mumkinligi haqida izoh berishni istashmayapti hamda buni inkor etishmoqda.

Neymarni "Barselona"ni tark etishga undayotgan bir qator faktorlar bor.

PSJda Neymar "Barselona"dan ko'ra ikki barobar ko'proq maosh oladi. Ikkinchidan, braziliyalik hujumchi "Barselona"da kerakligicha tasir kuchiga ega emas.
Neymar rahbariyatdan Paulino va Koutinolarni sotib olishlarini so'ragan. Lekin ularning hech biri jamoaga olib kelinmadi.
Messini soyasida qolib ketayotgan Neymar shaxsiy sovrin yutish uchun ham jamoasini o'zgartirishi lozimligini tushunmoqda. SHuningdek, futbolchi PSJ bilan klub tarixida ilk bor ECHLda g'olib chiqishni istamoqda.

Neymarning PSJga o'tishiga undayotgan yana bir faktorlardan biri yaqindagina parijliklar safini to'ldirgan - Dani Alvesh.
Braziliya hamda "Barselona"dagi jamoadoshi Neymarni PSJga chorlamoqda.
PSJda Dani Alveshdan tashqari yana bir qancha braziliyaliklarm - Tiago Silva, Lukas Moura hamda Markinos o'ynaydi.

PSJ futbol tarixidagi eng yirik transferni amalga oshirishi kutilmoqda.