Prevyu. "So'g'diyona" - "Paxtakor".

SO'G'DIYONA – PAXTAKOR
23 may. 17:00.

Hakamlar: A. Asimov (Toshkent), R. SHoyaxmetov (Toshkent), R. Serazetdinov (Toshkent), Karimov (Toshkent)

Nazoratchi: Roman (Toshkent).

“So'g'diyona” hamda “Paxtakor” klublari oliy ligada shu kungacha 38 bor kuch sinashishgan. “Paxtakor” 30ta o'yinda g'alaba qozongan. 4ta uchrashuvda “So'g'diyona”ning qo'li baland kelgan. 4ta o'yinda durang qayd etilgan. To'plar nisbatida ustunlik “SHerlar” tomonida: 101:34. “Paxtakor” o'zaro o'yinlarda 94 ochkoga ega bo'lgan, “So'g'diyona” esa 16 ochkoni qo'lga kiritgan. “Paxtakor”ning “So'g'diyona” ustidan qozongan eng yirik g'alabasi 6:1ga teng bo'lsa, “So'g'diyona”ning toshkentliklar ustidan erishgan eng yirik g'alabasi – 4:1.

O'tgan mavsumda Zominda kechgan bahsda Boyan Miladinovich tomonidan urilgan gol “Paxtakor”ga g'alaba keltirgandi – 0:1. Toshkentda esa Igor Sergeevning dubli “sherlar”ning g'alabasini taminlagandi – 2:0.

“So'g'diyona” maydonida bo'lib o'tgan so'nggi besh uchrashuv:
14.06.2014 So'g'diyona - Paxtakor 0:1
05.05.2013 So'g'diyona - Paxtakor 0:0
10.04.2011 So'g'diyona - Paxtakor 1:2
25.04.2009 So'g'diyona - Paxtakor 0:2
05.07.2008 So'g'diyona - Paxtakor 1:2

O'zaro o'yinlar haqida fakt: “So'g'diyona” o'z maydonida o'tkazgan 19ta o'yinning uchtasida g'olib chiqqan. 3ta bellashuvda tomonlar ochkolarni bo'lib olishgan. Qolgan 13ta uchrashuvda “Paxtakor” safarda uch ochkoni o'ziniki qilgan. So'nggi bor “So'g'diyona” 1999 yil “Paxtakor”ni mag'lub eta olgan.

Narzulla Saydullaev tayyorladi