Prevyu. "So'g'diyona" - "Olmaliq"

So'g'diyona (Jizzax) – Olmaliq (Olmaliq)
30 oktyabr 2015. Jizzax. "So'g'diyona" stadioni. 16:00
Hakamlar: H. Ro'ziev (Toshkent), O. Abduvosilov (Toshkent), V. Lushin (Guliston), R. Lutfulin (Toshkent)
Nazoratchi: I. Nexochin (Namangan).

Bu ikki klubning yo'llari oliy liga o'yinlarida 11 bor kesishgan. Natijalar “Olmaliq”ning kichik ustinligini ko'rsatmoqda. “Olmaliq” 5ta o'yinda g'alabaga erishgan. 4ta bahsda g'olib aniqlanmagan. Qolgan 2ta o'yinda “So'g'diyona”ning qo'li baland kelgan. To'plar nisbati ham “Olmaliq” foydasiga. Olmaliqliklar shu kunga qadar o'zaro o'yinlarda 26ta gol urib o'z darvozalaridan 19 marta to'p olib chiqishgan. O'zaro o'inlarda “Olmaliq” 19, “So'g'diyona” esa 10 ochkoni qo'lga kiritgan.

“So'g'diyona” oliy ligada “Olmaliq” ustidan 5:2 hisobida g'alaba qozongan. Bu o'zaro o'yinlardagi jizzaxliklarnng eng yirik g'alabasi hisoblanadi. “Olmaliq”ning o'zaro o'yinlardagi erishgan eng yirik g'alabasi esa 4:1ga teng.

13-turda Olmaliqda o'tgan bahsda mezbonlar muvaffaqiyatga erishishgan. Dastlab mehmonlar vakili Sanjar Rashidov hisobni ochgandi. Bunga G'ulom O'runov (ikkita) va Islom Inomovning gollari bilan javob berilgan – 3:1.

“So'g'diyona” maydonida bo'lib o'tgan barcha uchrashuvlar:
09.08.2014 So'g'diyona - Olmaliq 0:0
04.08.2013 So'g'diyona - Olmaliq 2:2
15.10.2011 So'g'diyona - Olmaliq 5:2
23.03.2009 So'g'diyona - Olmaliq 3:2
20.09.2008 So'g'diyona - Olmaliq 1:1

O'zaro o'yinlar haqida fakt: “So'g'diyona” o'z maydonidagi o'yinlarda bu raqibga umuman yutqazmagan. Ikki bor g'alaba qozongan va 3 marta durang o'ynagan. “So'g'diyona” uyida o'tgan oxirgi ikki bahsda durang qayd etilgan.